.jpg)
ما هي مدرسة التمريض بعد الإعدادية؟ مدرسة التمريض بعد الإعدادية تعتبر من ضمن المدارس الفنية البديلة للثانوية العامة يقدر الطالب يقدم فيها بعد نجاحه في المرحلة الإعدادية، وبتكون مدة الدراسة فيها 5 سنوات، متقسمة لـ 3 سنوات دراسة في المدرسة، وسنتين دراسة في معهد تمريض، والسنتين دول بيكونوا إجباري “سنة رابعة وخامسة”، دا غير 6 شهور امتياز، ومش هيقدر الطالب يمتهن مهنة التمريض إلا بعد الـ 5 سنين دول، وبعدها بيحصل على مؤهل دبلوم فني تمريض. وللعلم إن مؤسسات تعليم التمريض في مصر بعد الشهادة الإعدادية نوعين: 1- مدارس التمريض، ودي للطلاب اللي حصلوا على الشهادة الإعدادية العادية أو اللي بيعادلها للالتحاق بالثانوية الفنية للتمريض. 2- كليات التمريض ومعهد فني صحي، ودول للطلاب الحاصلين على الثانوية العامة. ومن أهم مميزات مدرسة التمريض بعد الإعدادية اللي بيحصل عليها الطالب خلال دراسته وبعدها إنه: بيدرس الطالب كل المقررات الدراسية والفنية الكافية لتأهيله، دا غير التدريب العملي المستمر طول فترة الدراسة اللي بيتدربوا فيها على التعامل المباشر مع المرضى وحالات مختلفة في المستشفيات الحكومية. بعد استكمال الطالب لمدة الدراسة “5 سنوات” بيكون قادر يقدم ويلتحق بأي كلية تابعة للتمريض على مستوى الجمهورية. بيحصل الطالب على وظيفة بتوفرها له وزارة الصحة والسكان بمستشفى حكومي بعد ما يخلص وياخد الشهادة. وعشان كدا تعتبر مدرسة التمريض بعد الإعدادية فرصة حقيقية ومميزة لطلبة الإعدادية، وكمان لإنها بتقبل من مجاميع مش عالية، وتوزيعها الجغرافي كبير فبيفتح الباب لعدد كبير من الطلبة يدخلوها، والأهم ضمان وظيفة بعد الدراسة.
شروط التقديم وقواعد القبول بمدرسة التمريض بعد الإعدادية بعد ظهور الشهادة الإعدادية بيروح الطالب لأقرب مدرسة تمريض بمحافظته عشان يسحب الملف ويعرف الشروط المطلوبة ومواعيد التقديم، والشروط هي: يكون الطالب حاصل على الشهادة الإعدادية في نفس السنة اللي بيقدم فيها للمدرسة. تكون الشهادة الإعدادية للطالب من نفس المحافظة اللي مقدم فيها للتمريض، وفي حالة المحافظات النائية للطالبات ما بتتقبلش إلا بعد إكمال أعداد الدور الأول والتاني من نفس المحافظة. ألا يقل سن الطالب في بداية العام الدراسي عن 15 سنة، ويجوز بقرار من وزير الصحة والسكان يقل السن 6 شهور في حالة إن المدرسة لسه ممكن تستقبل طلبة كمان مع مراعاة المجموع والطلبة اللي درجاتهم عالية. تلتزم المدارس في القبول على الطلبة اللي مجاميعها أعلى أولاً، وبعدين اجتياز الطالب للاختبارات المطلوبة. يتضمن القبول كمان امتحان الإملاء في اللغة العربية والإنجليزية، ولازم ما تقلش درجة الطالب عن 7 درجات من 10 في الامتحانين. يكون الطالب مصري الجنسية، ويمتاز بحسن السير والسلوك. يتعهد الطالب أو الطالبة بالتفرغ للدراسة بموجب إقرار مصدق عليه من ولي أمره. ألا تكون الطالبة متزوجة، وتتعهد بعدم الزواج أثناء الدراسة. يتعهد الطالب بعدم الانتقال من محافظة لمحافظة أو من مدرسة لأخرى. ضروري جدًا بعد ظهور الشهادة الإعدادية إن الطالب يتوجه مع ولي الأمر لأقرب مدرسة تمريض عشان يعرف شروط التقديم ومواعيدها لأنها بتكون فترة بسيطة جداً وفي ناس ما بتلحقش لو متابعتش كويس.
الاختبارات المطلوبة بمدارس التمريض مدرسة التمريض بعد الإعدادية زيها زي كل المدارس البديلة للثانوية العامة ليها اختبارات لازم الطالب يعديها عشان يتقبل بالمدرسة، والاختبارات دي هي: 1- اختبارات قدرات الاختبارات دي بيؤديها الطالب أثناء كشف الهيئة، وبتشمل: اللغة العربية الامتحان بيكون عبارة عن قطعة إملاء جواها أخطاء إملائية، والطالب لازم ياخد باله هنا من التنوين، وأنواع الهمزات، والتاء المربوطة والهاء المربوطة، إلخ. اللغة الإنجليزية هنا بيخضع الطالب لامتحان مكون من سؤالين، والامتحان دا بيشتمل على نوعين أسئلة من الأنواع دي: محادثة صوب الخطأ قطعة ترجمة سؤال اختيار التعامل مع الحاسب الآلي الامتحان عبارة عن معلومات درسها الطالب في المدرسة عن مكونات جهاز الكمبيوتر والويندوز، الوورد، الإكسيل..). كشف الهيئة بيكون قدام لجنة بتقيم مظهر الطالب ولباقته في الكلام، وبيتسأل أسئلة زي: الاسم والسن؟ ليه اختار مدرسة تمريض؟ رأيه في المنظومة الصحية في مصر هل مستعد للسهر في المستشفيات؟ الامتحانات التحريرية لازم ما الطالب ما يقلش فيها عن 7 درجات من 10 في كل واحد فيهم، وبالنسبة للشفوي لازم يكون صوته مسموع وواثق من نفسه ومحضر نفس كويس للإجابات. 2- اختبارات نفسية الاختبار هنا بيكون مع أخصائي نفسي، وبيكون الهدف منه قياس أكثر من حاجة عند الطالب زي: قوة الملاحظة عند الطالب اللباقة في الحديث رد الفعل وسرعة الاستجابة مهارة التواصل المعلومات العامة سلامة النطق لياقة الطالب. 3- اختبارات طبية المدرسة بتحرص إن الطالب اللي متقدم يكون سليم جسدياً عشان يكون قادر يتحمل فترات العمل الطويلة والسهر في المستشفيات، ومن هنا بتعمل الاختبارات الطبية للتأكد من صحة الطالب، وقوة بنيته، وقدرته على التحمل عشان يقدر يباشر عمله بشكل كويس، وما يأثرش عليه صحياً. الاختبار بيتم من خلال القومسيون الطبي بالمحافظة، وبيشمل: كشف النظر كشف باطنة اختبار مخدرات كشف لياقة طبية في حالة اجتياز الطالب أو الطالبة للاختبارات دي بيضمن بشكل كبير قبوله بس بيتطلب منه بعض الإقرارات. الإقرارات المطلوبة بعد اجتياز اختبارات مدرسة التمريض بعد الإعدادية بيلتزم الطالب أو الطالبة ببعض الأمور لقبوله بمدرسة التمريض بعد الإعدادية، وبيتم رفضه في حالة أنه ما بيمضيش الإقرار، والإقرارات بتكون: إقرار على ولي الأمر أن الطالب لا يعد مقبولًا إلا بعد التنسيق وظهور النتيجة. تتعهد الطالبة بعدم الزواج أثناء الدراسة والتفرغ التام . يتعهد الطالب وولي الأمر بقبول الوظيفة في المواقع الطبية في مختلف المحافظات حسب حاجة العمل، وتحديد من وزارة الصحة والإسكان. يتعهد الطالب وولي الأمر بعدم النقل من محافظة لمحافظة أو من مدرسة لمدرسة تمريض تانية أثناء فترة الدراسة، ولو في نقل فبيتم خلال فترة الإجازة بعد نجاح الطالب وقبول الجهتين المنقولة منها وإليها. وبكدا يكون الطالب عدى كتير وفاضل خطوات بسيطة ويتقبل، وفي حالة أن مجموع الطالب عالي بتكون فرصته أكبر للقبول لأن المدارس بتقبل المجاميع الأعلى في الأول وعلى حسب حاجة المدرسة بتاخد مجاميع أقل وهكذا. الأوراق المطلوبة للتقديم بمدرسة التمريض بعد الإعدادية أعلنت وزارة الصحة والسكان عن شروط التقديم والأوراق المطلوبة من الطلاب في جميع المحافظات، واللي بتكون عبارة عن: ملف تقديم للتمريض من أي مكتبة. استمارة نجاح الطالب في الإعدادية الأصلية + وعدد 2 صورة منها. استمارة نجاح الطالب الإبتدائية + وعدد 2 صورة منها. شهادة الجنسية + شهادة من المدرسة التابع ليها الطالب تفيد بحسن السير والسلوك. شهادة ميلاد كمبيوتر حديثة + عدد 2 صورة منها. بيان نجاح الطالب من الإدارة التعليمية. عدد 8 صور شخصية للطالب 4*6. صورة بطاقة ولي الأمر وعليها رقم موبيل الخاص بيه. الدمغات المطلوبة (2 جنيه دمغة فئة 30 قرش، 1 جنيه دمغة زرقاء فئة 10 قرش، 3 دمغة مهن طبية). قواعد القبول بمدارس التمريض بعد الإعدادية نظام القبول والتقديم بالمدارس الثانوية الفنية للتمريض بيختلف في كل مركز إداري عن التاني على حسب استيعابه للطلبة، وولي الأمر هو اللي بيقدم لابنه أو بنته، ولازم يتابع كل جديد لمدرسة التمريض التابعة له، ومن قواعد القبول بنلاقي: كل مدرسة بتقسم الطلبة على حسب مجامعيهم، وكل درجات متشابهة بتتقسم لمجموعات وبتبدأ بالأعلى، وبيكون كل مجموعة على 3 أيام منفصلة بشكل متتابع لحد ما تقبل العدد اللي المدرسة تستوعبه. بيتم فحص ملفات الطلبة وتحديد ميعاد اختبار الإملاء وكشف الهيئة لكل 30 طالب لوحدهم. بيتم استكمال باقي الاختبارات تباعاً لحد ما توصل للأعداد المطلوبة، وبالتالي ما تقبلش ملفات جديدة. لا يسمح لأي طالب مش مقدم للمدرسة بالدخول للاختبارات. بيكون تجهيز الفصول لإجراء الامتحانات بتطبيق كل الإجراءات الاحترازية من خلال مسافات بين الطلبة أثناء الامتحان. أماكن مدرسة التمريض بعد الإعدادية في مختلف محافظات مصر مدارس التمريض الثانوية موجودة بشكل كبير، ومن الأفضل لولي الأمر إنه يروح لأقرب مستشفى حكومي ويسأل على أقرب مدرسة تمريض للطالب عشان يقدم فيها. بتستقبل مدارس التمريض بعد الإعدادية أعداد كبيرة عن المدارس الفنية الأخرى، ودا بسبب تواجدها في معظم محافظات مصر، والمحافظة الواحدة بتضم عدد كبير من المدارس، ودي المحافظات اللي بتضم مدارس التمريض بعد الإعدادية: القاهرة الجيزة الإسكندرية الشرقية الدقهلية القليوبية المنيا الغربية كفر الشيخ بني سويف دمياط الأقصر سوهاج أسوان الوادي الجديد هل التمريض العسكري مختلف عن التمريض العادي؟ مدارس التمريض العسكري كانت موجودة لحد فترة قريبة في مصر، لكن حاليًا اتلغت والتمريض العسكري بقى مقصور بس على الطلاب الحاصلين على الشهادة الثانوية وبيكون اسمه “المعهد الصحي العسكري” أو “معهد صحي قوات مسلحة“، وبيكون لطلاب الثانوية العامة أو الأزهرية قسم علمي علوم ومتاح للبنين والبنات. مدة الدراسة في معهد صحي قوات مسلحة سنتين، وبيحصل الطالب بعد تخرجه على دبلوم صحي، ورتبة رقيب متطوع في القوات المسلحة، وبيتدرج في الرتب الأعلى بمرور الوقت، وبيحصل على كل الامتيازات والخدمات اللي بتقدمها القوات المسلحة. مصروفات مدرسة التمريض بعد الإعدادية مصروفات مدرسة التمريض بعد الإعدادية لا تتعدى 400 جنيه مصري في السنة الواحدة، وتعتبر مصاريفها ورسومها قريبة من المدارس الحكومية التانية، ودا لأن الهدف منها هو توفير ممرضين على كفاءة عالية للعمل بالأماكن الحكومية، وسد الاحتياج للتمريض في المستشفيات الحكومية المختلفة. تنسيق مدرسة التمريض بعد الإعدادية بيختلف التنسيق من محافظة للتانية، وكمان بيختلف من مدرسة للتانية فبيكون لكل مدرسة تنسيق لوحدها، وبيتراوح الحد الأدنى للقبول من 230-270 درجة. اختلاف التنسيق بالمحافظات بيكون على حسب المؤشرات الأولية، وعدد الطلبة اللي قدموا وعدد الأماكن المتاحة في المدرسة واستيعاب الفصول كمان، لكن كل ما يكون مجموعك أعلى بتكون فرصتك أكبر للقبول بمدارس التمريض بعد الإعدادية. وأخيرًا، مدرسة التمريض بعد الإعدادية فرصة كويسة جداً للطلبة على المستوى العلمى والتدريبي، لإنها بتأهلهم بشكل كبير للعمل، والدولة بتوفر لهم عمل بعد التخرج بالمستشفيات الحكومية والخاصة. وعشان تتعرف على مدارس تانية بعد الإعدادية غير المدارس الثانوية ليها مستقبل كبير، فدليل المدارس المصرية هيساعدك.
الاختبارات المطلوبة بمدارس التمريض مدرسة التمريض بعد الإعدادية زيها زي كل المدارس البديلة للثانوية العامة ليها اختبارات لازم الطالب يعديها عشان يتقبل بالمدرسة، والاختبارات دي هي: 1- اختبارات قدرات الاختبارات دي بيؤديها الطالب أثناء كشف الهيئة، وبتشمل: اللغة العربية الامتحان بيكون عبارة عن قطعة إملاء جواها أخطاء إملائية، والطالب لازم ياخد باله هنا من التنوين، وأنواع الهمزات، والتاء المربوطة والهاء المربوطة، إلخ. اللغة الإنجليزية هنا بيخضع الطالب لامتحان مكون من سؤالين، والامتحان دا بيشتمل على نوعين أسئلة من الأنواع دي: محادثة صوب الخطأ قطعة ترجمة سؤال اختيار التعامل مع الحاسب الآلي الامتحان عبارة عن معلومات درسها الطالب في المدرسة عن مكونات جهاز الكمبيوتر والويندوز، الوورد، الإكسيل..). كشف الهيئة بيكون قدام لجنة بتقيم مظهر الطالب ولباقته في الكلام، وبيتسأل أسئلة زي: الاسم والسن؟ ليه اختار مدرسة تمريض؟ رأيه في المنظومة الصحية في مصر هل مستعد للسهر في المستشفيات؟ الامتحانات التحريرية لازم ما الطالب ما يقلش فيها عن 7 درجات من 10 في كل واحد فيهم، وبالنسبة للشفوي لازم يكون صوته مسموع وواثق من نفسه ومحضر نفس كويس للإجابات. 2- اختبارات نفسية الاختبار هنا بيكون مع أخصائي نفسي، وبيكون الهدف منه قياس أكثر من حاجة عند الطالب زي: قوة الملاحظة عند الطالب اللباقة في الحديث رد الفعل وسرعة الاستجابة مهارة التواصل المعلومات العامة سلامة النطق لياقة الطالب. 3- اختبارات طبية المدرسة بتحرص إن الطالب اللي متقدم يكون سليم جسدياً عشان يكون قادر يتحمل فترات العمل الطويلة والسهر في المستشفيات، ومن هنا بتعمل الاختبارات الطبية للتأكد من صحة الطالب، وقوة بنيته، وقدرته على التحمل عشان يقدر يباشر عمله بشكل كويس، وما يأثرش عليه صحياً. الاختبار بيتم من خلال القومسيون الطبي بالمحافظة، وبيشمل: كشف النظر كشف باطنة اختبار مخدرات كشف لياقة طبية في حالة اجتياز الطالب أو الطالبة للاختبارات دي بيضمن بشكل كبير قبوله بس بيتطلب منه بعض الإقرارات. الإقرارات المطلوبة بعد اجتياز اختبارات مدرسة التمريض بعد الإعدادية بيلتزم الطالب أو الطالبة ببعض الأمور لقبوله بمدرسة التمريض بعد الإعدادية، وبيتم رفضه في حالة أنه ما بيمضيش الإقرار، والإقرارات بتكون: إقرار على ولي الأمر أن الطالب لا يعد مقبولًا إلا بعد التنسيق وظهور النتيجة. تتعهد الطالبة بعدم الزواج أثناء الدراسة والتفرغ التام . يتعهد الطالب وولي الأمر بقبول الوظيفة في المواقع الطبية في مختلف المحافظات حسب حاجة العمل، وتحديد من وزارة الصحة والإسكان. يتعهد الطالب وولي الأمر بعدم النقل من محافظة لمحافظة أو من مدرسة لمدرسة تمريض تانية أثناء فترة الدراسة، ولو في نقل فبيتم خلال فترة الإجازة بعد نجاح الطالب وقبول الجهتين المنقولة منها وإليها. وبكدا يكون الطالب عدى كتير وفاضل خطوات بسيطة ويتقبل، وفي حالة أن مجموع الطالب عالي بتكون فرصته أكبر للقبول لأن المدارس بتقبل المجاميع الأعلى في الأول وعلى حسب حاجة المدرسة بتاخد مجاميع أقل وهكذا. الأوراق المطلوبة للتقديم بمدرسة التمريض بعد الإعدادية أعلنت وزارة الصحة والسكان عن شروط التقديم والأوراق المطلوبة من الطلاب في جميع المحافظات، واللي بتكون عبارة عن: ملف تقديم للتمريض من أي مكتبة. استمارة نجاح الطالب في الإعدادية الأصلية + وعدد 2 صورة منها. استمارة نجاح الطالب الإبتدائية + وعدد 2 صورة منها. شهادة الجنسية + شهادة من المدرسة التابع ليها الطالب تفيد بحسن السير والسلوك. شهادة ميلاد كمبيوتر حديثة + عدد 2 صورة منها. بيان نجاح الطالب من الإدارة التعليمية. عدد 8 صور شخصية للطالب 4*6. صورة بطاقة ولي الأمر وعليها رقم موبيل الخاص بيه. الدمغات المطلوبة (2 جنيه دمغة فئة 30 قرش، 1 جنيه دمغة زرقاء فئة 10 قرش، 3 دمغة مهن طبية). قواعد القبول بمدارس التمريض بعد الإعدادية نظام القبول والتقديم بالمدارس الثانوية الفنية للتمريض بيختلف في كل مركز إداري عن التاني على حسب استيعابه للطلبة، وولي الأمر هو اللي بيقدم لابنه أو بنته، ولازم يتابع كل جديد لمدرسة التمريض التابعة له، ومن قواعد القبول بنلاقي: كل مدرسة بتقسم الطلبة على حسب مجامعيهم، وكل درجات متشابهة بتتقسم لمجموعات وبتبدأ بالأعلى، وبيكون كل مجموعة على 3 أيام منفصلة بشكل متتابع لحد ما تقبل العدد اللي المدرسة تستوعبه. بيتم فحص ملفات الطلبة وتحديد ميعاد اختبار الإملاء وكشف الهيئة لكل 30 طالب لوحدهم. بيتم استكمال باقي الاختبارات تباعاً لحد ما توصل للأعداد المطلوبة، وبالتالي ما تقبلش ملفات جديدة. لا يسمح لأي طالب مش مقدم للمدرسة بالدخول للاختبارات. بيكون تجهيز الفصول لإجراء الامتحانات بتطبيق كل الإجراءات الاحترازية من خلال مسافات بين الطلبة أثناء الامتحان. أماكن مدرسة التمريض بعد الإعدادية في مختلف محافظات مصر مدارس التمريض الثانوية موجودة بشكل كبير، ومن الأفضل لولي الأمر إنه يروح لأقرب مستشفى حكومي ويسأل على أقرب مدرسة تمريض للطالب عشان يقدم فيها. بتستقبل مدارس التمريض بعد الإعدادية أعداد كبيرة عن المدارس الفنية الأخرى، ودا بسبب تواجدها في معظم محافظات مصر، والمحافظة الواحدة بتضم عدد كبير من المدارس، ودي المحافظات اللي بتضم مدارس التمريض بعد الإعدادية: القاهرة الجيزة الإسكندرية الشرقية الدقهلية القليوبية المنيا الغربية كفر الشيخ بني سويف دمياط الأقصر سوهاج أسوان الوادي الجديد هل التمريض العسكري مختلف عن التمريض العادي؟ مدارس التمريض العسكري كانت موجودة لحد فترة قريبة في مصر، لكن حاليًا اتلغت والتمريض العسكري بقى مقصور بس على الطلاب الحاصلين على الشهادة الثانوية وبيكون اسمه “المعهد الصحي العسكري” أو “معهد صحي قوات مسلحة“، وبيكون لطلاب الثانوية العامة أو الأزهرية قسم علمي علوم ومتاح للبنين والبنات. مدة الدراسة في معهد صحي قوات مسلحة سنتين، وبيحصل الطالب بعد تخرجه على دبلوم صحي، ورتبة رقيب متطوع في القوات المسلحة، وبيتدرج في الرتب الأعلى بمرور الوقت، وبيحصل على كل الامتيازات والخدمات اللي بتقدمها القوات المسلحة. مصروفات مدرسة التمريض بعد الإعدادية مصروفات مدرسة التمريض بعد الإعدادية لا تتعدى 400 جنيه مصري في السنة الواحدة، وتعتبر مصاريفها ورسومها قريبة من المدارس الحكومية التانية، ودا لأن الهدف منها هو توفير ممرضين على كفاءة عالية للعمل بالأماكن الحكومية، وسد الاحتياج للتمريض في المستشفيات الحكومية المختلفة. تنسيق مدرسة التمريض بعد الإعدادية بيختلف التنسيق من محافظة للتانية، وكمان بيختلف من مدرسة للتانية فبيكون لكل مدرسة تنسيق لوحدها، وبيتراوح الحد الأدنى للقبول من 230-270 درجة. اختلاف التنسيق بالمحافظات بيكون على حسب المؤشرات الأولية، وعدد الطلبة اللي قدموا وعدد الأماكن المتاحة في المدرسة واستيعاب الفصول كمان، لكن كل ما يكون مجموعك أعلى بتكون فرصتك أكبر للقبول بمدارس التمريض بعد الإعدادية. وأخيرًا، مدرسة التمريض بعد الإعدادية فرصة كويسة جداً للطلبة على المستوى العلمى والتدريبي، لإنها بتأهلهم بشكل كبير للعمل، والدولة بتوفر لهم عمل بعد التخرج بالمستشفيات الحكومية والخاصة. وعشان تتعرف على مدارس تانية بعد الإعدادية غير المدارس الثانوية ليها مستقبل كبير، فدليل المدارس المصرية هيساعدك.
.jpg)
